የተከበራችሁ የኮሌጃችን አመራሮች፤

የዲጂታል አማራ (Digital Amhara) ስትራቴጂን በተቋማችን ውስጥ ለማስረጽ በምናደርገው ጥረት፣ ቀደም ሲል ለኮሌጁ የአስተዳደር ሰራተኞችና ለተለያዩ የሥራ ዘርፎች የግንዛቤ ማስጨበጫ ስልጠና መስጠታችንና ውጤታማ ስራ መከናወኑ ይታወሳል።

ይህንን የጀመርነውን ስኬታማ ጉዞ ይበልጥ ለማስፋትና ስትራቴጂውን ሙሉ በሙሉ ተግባራዊ ለማድረግ አሁን ደግሞ፦

🔹 ለአሰልጣኞችና ለሰልጣኞች፣
🔹 ለዞን፣ ለወረዳና ለከተማ አስተዳደር የሥራና ስልጠና አመራሮችና ባለሙያዎች፣
🔹 እንዲሁም ለአካባቢው ማህበረሰብ፣
ሰፊ የግንዛቤ ማስጨበጫ መድረክ መፍጠር የግድ ይላል። ይህንን ትልቅ አገራዊና ክልላዊ ፋይዳ ያለው ስራ ለማሳካት የእናንተ የአመራር ድጋፍና የመድረክ ዝግጅት እጅግ አስፈላጊ በመሆኑ፣
ሁሉንም ባለድርሻ አካላትና ማህበረሰቡን የሚያገናኝ መድረክ እንድታመቻቹልን ጥሪያችንን እናቀርባለን።

አላማችን፡

✅ የጀመርነውን የግንዛቤ ማስጨበጫ ስራ ወደ ሁሉም ተደራሽ ማድረግ።
✅ በቴክኖሎጂ የታገዘ የተቀናጀ አሰራርና የነቃ ማህበረሰብ መፍጠር።
✅ በክልልና በዞን ደረጃ ለሚፈለገው የዲጂታል ትራንስፎርሜሽን ዝግጁ መሆን።

“የአመራሩ ቁርጠኝነት ለዲጂታል አማራ ስኬትና ለማህበረሰቡ ተጠቃሚነት የጀርባ አጥንት ነው!”

📩 የዲጂታል አማራ ፎካል ፐርሰን

ቀን፦ 26/06/2018 ዓ.ም

ለፍኖተ ዳሞት ፖሊ ቴክኒክ ኮሌጅ መምህራን፣ የአስተዳደር ሰራተኞች እና ሰልጣኞች፣ እንዲሁም የአካባቢው ማህበረሰብ በሙሉ፤

☝️☝️☝️☝️☝️☝️☝️☝️☝️☝️☝️☝️☝️☝️☝️

ጉዳዩ፡- የዲጂታል አማራ ሥልጠና ምዝገባን ይመለከታል።

የዘመኑ የቴክኖሎጂ ባለቤት ለመሆንና ተጨማሪ የገቢ ምንጭ ለመፍጠር ዝግጁ ናችሁ? በክልል ደረጃ ተዘጋጅቶ የሚሰጠው የዲጂታል ሥልጠና፣ ራሳችሁን በዕውቀት እንድታበለጽጉና የፈጠራ ውጤታችሁን ወደ ገንዘብ እንድትቀይሩ ዕድል አመቻችቶላችኋል።

ለምን ይሰለጥናሉ? (ጥቅሞቹ ባጭሩ)

🌐 Web Development | የዲጂታል ህንፃ ግንባታ
የንግድ ተቋማት የኦንላይን አድራሻቸውን ለመገንባት የእርስዎን የቴክኖሎጂ ጥበብ ይሻሉ። ከኮድ በስተጀርባ ድንቅ ስራዎችን እየሰሩ፣ በየፕሮጀክቱ ከፍተኛ ክፍያ የሚሰበስቡበት የዘመኑ ቁንጮ ሙያ!

📈 Digital Marketing | የገበያ መሪነት ስልት
በኢንተርኔት ዓለም ምርትን የማስተዋወቅና የሽያጭ ጥበብን ይላበሱ። የንግድ ድርጅቶችን በማማከርና ስትራቴጂዎችን በመንደፍ፣ ተቋማትን አሸናፊ—እራስዎን ደግሞ ባለጸጋ የሚያደርጉበት ጥበብ!

🎬 Content Creation | የፈጠራ ተጽዕኖ ፈጣሪነት
ሀሳብዎን ወደ ቪዲዮና ፅሁፍ በመቀየር በሚሊዮኖች ዘንድ ይድረሱ። ተከታዮችን እያፈሩ፣ በማህበራዊ ሚዲያ ተጽዕኖ ፈጣሪ በመሆን በዶላርና በብር የሚቆጠር ገቢ የሚያፍሱበት የነፃነት መንገድ!

🎨 Graphics Design | የብራንድ አንጥረኛ
ተራ ምስሎችን ወደ ማራኪ ጥበብ በመቀየር የድርጅቶችን ማንነት ይቅረጹ። በፈጠራዎ ደንበኞችን እያደመሙ፣ በየቀኑ የሚቆጠር ገቢ የሚያገኙበትና በስራዎ የሚኮሩበት ድንቅ ዘርፍ!

🔗 Networking | የቴክኖሎጂ ድልድይ ሰሪ
የትላልቅ ተቋማትን የመረጃ ትስስር በመዘርጋትና ደህንነቱን በመጠበቅ የጀርባ አጥንት ይሁኑ። ዓለም በተገናኘችበት በዚህ ዘመን፣ የማይተካና በክብር የሚከፈለው ተፈላጊ ባለሙያ ይሁኑ!

“ችሎታዎ የሀብትዎ መጀመሪያ ነው፤ ዛሬውኑ ይጀምሩ!”

የስልጠና አይነቶች፦

✍1. WEB DEVELOPMENT✅

✍2. DIGITAL MARKETING✅

✍3. CONTENT CREATION✅

✍4. GRAPHICS DESIGN✅

✍5. NETWORKING✅

ይህ ስልጠና ለሁላችሁም (ለመምህራን፣ ለአስተዳደር ሰራተኞችና ለሰልጣኞች) የተዘጋጀ በመሆኑ፣ የዘመኑን ዕውቀት በመታጠቅ የነገውን የዲጂታል ዓለም ዛሬውኑ እንዲቀላቀሉ ጥሪያችንን እናስተላልፋለን።

☝️☝️☝️☝️☝️☝️☝️☝️☝️☝️☝️☝️☝️☝️☝️☝️☝️☝️

ማሳሰቢያ

✅የምዝገባ ጊዜ፦ ከ27/06/2018 ዓ.ም ጀምሮ ዝወትር በስራ ሰዓት፤ በICT ትምህርት ክፍል አማካኝነት ይሆናል።
✅ለምዝገባ ሲመጡ የሚሰራና ንቁ የሆነ ኢሜል ያስፈልጋል።
✅የትምህርት ደረጃ፦ 10ኛ ክፍልና በላይ የሆነ

✳️ለበለጠ መረጃ በ+251 91 851 7362 ደውለው ይጠይቁ።

“አሁኑኑ ይመዝገቡ፤ ወደ ገቢ ይለውጡ!”
ከአክብሮት ጋር፣ ኮሌጁ

👉ቴክኖሎጂን መጠቀም ሲጀምሩ፣ ዓለም የእርስዎ መጫወቻ ሜዳ ትሆናለች!”

የ Animal Health የ2018 ዓ.ም ተመራቂ ሰልጣኞች የህይወት ክህሎት የCV አዘገጃጀት እና Job Searching ስልጠና እየወሰዱ ይገኛሉ።
ሰልጣኞች ተመርቀው ሲወጡ እንዴት ወደ ስራው አለም መቀላቀል እንደሚችሉ የሚያጋጥማቸውን ችግሮች እንዴት ማለፍ እንዳለባቸውና እና እንዴት ምላሽ መስጠት እንዳለባቸው የሰለጠኑ ሲሆን ሰልጣኞችም የሰለጠኑትን ስልጠና ወደ ተግባር በመቀየር የህይወት መንገዳቸውን እንደሚያቀልላቸው ተናግረዋል።

በኮሌጃችን የከተማ ግብርና ሙያን በተለይ የወተት ሀብት ልማት ሙያ የወተት ላሞችን ውጤታማ ለማድረግ በአልጣኞች በቂ ክትትል በማድረግ የህክምና አገልግሎት ያለምንም ወጪ በዚህ መልክ ለተከታታይ 03 ቀናት ከ26_28/05/2018 ዓ.ም መስራት ችለናል:: ከዚህ በተጨማሪ ሰልጣኞችን ውጤታማ እንዲሆኑ የተግባር ስልጠናውን አብረው በእዚህ ሁኔታ እየሰለጠኑ እና እየሰሩ ነው::